Einstaklingsmeðferðir

Hver meðferð er á bilinu 1-4 skipti (algengast er 1-2 skipti). Gjald per klst. er 21.500 kr..

Dáleiðslu- og orkuheilunarmeðferðir fara fram á stofunni minni að Suðurlandsbraut 52 í Reykjavík.

Fjarheilunarmeðferðir fara fram hvar sem er. Skjólstæðingurinn getur setið heima í rólegheitum á meðan unnið er með orku viðkomandi. Engin takmörk eru fyrir fjarlægð, kjörið fyrir þá sem eru búsettir utan höfuðborgarsvæðisins. Meðferðin fer fram í gegn um fjarskiptabúnað og er hún ekki síður áhrifarík en meðferð í eigin persónu.

Í reynd eru lítil sem engin takmörk fyrir því með hvaða vanda er hægt að vinna í dáleiðslu og orkuheilun. Hér má sjá lista, sem þó er ekki tæmandi, yfir þau einkenni eða þann vanda, sem dáleiðsla og/eða orkuheilun vinnur vel á:

– Kvíða, ofsakvíða og ofsahræslu
– Króníska verki og vöðvaspennu
– Streita
– Síþreyta, orkuleysi
– Vefjagigtareinkenni
– Neikvæðar tilfinningar
– Meðvirkni
– Átröskunareinkenni og matarfíkn
– Fíknir af ýmsu tagi
– Áráttuhegðun
– Þunglyndi
– Svefnvandamál
– Martraðir
– Lágt sjálfsmat
– Neikvæðar hugsanir
– Sjálfsvígshugsanir
– Áfallastreita
– Mígreni / hausverkjaköst
– Magaverkir / IBS / meltingarvandamál
– Verkir af ýmsum toga, bakverkir, verkir og stífleiki í hálsi, herðum, mjóbaki, mjöðmum, hvar sem er í reynd.
– Krónískur augnþurrkur
– Exem, sólarexem
– Erfiðleikar í samskiptum / samböndum
– Ofnæmi og óþol
– Endurteknar sýkingar
– Bakflæði

Þá er einnig frábært að nota dáleiðslu til að fá dýpri þekkingu á sjálfum sér, t.d. þeir sem eru á andlegu ferðalagi, þeir sem vilja finna sinn tilgang í lífinu, skoða fyrri líf, eða hreinlega bara hreinsa til í orkustöðvunum og fá jafnara og heilbrigðara orkuflæði í líkamann.

Meðferðin byggir á því að rætur þess sem plagar okkur eru yfirleitt alltaf ein, tvær eða allar af þessum þremur:

1. Streita
2. Neikvæð orka sem hefur fests innra með okkur, t.d. neikvæðar tilfinningar
3. Neikvæð forrit í undirmeðvitundinni okkar, t.d. “ég er ekki nóg, ég þarf að vera þóknanlegur í augum annarra, það er hætta á ferð, ég er geri aldrei neitt rétt” o.fl. o.fl.

Ef við tökum dæmi um einstakling sem er haldinn miklum almennum kvíða auk spennu og verkja í öxlum og baki. Mjög oft og nánast alltaf hafa slíkir einstaklingar sem til mín koma a.m.k. tvær, en mjög oft allar þrjár þessar rætur að sínum vanda.

T.d. hefur einstaklingurinn átt foreldri sem var haldið kvíða. Ómeðvitað sendir foreldrið barninu skilaboð um að heimurinn sé hættulegur og að það sé hætta á ferð. Undirmeðvitund barnsins telur sig þurfa að vernda barnið frá “hættunni” og býr í þeim tilgangi til “neikvætt” kvíðaforrit í undirmeðvitund barnsins sem segir barninu að hætta sé á ferð. Forrit þetta heldur svo áfram að spila í undirmeðvitund viðkomandi, búa til kvíðatengdar hugsanir og tilfinningar, alla ævi, ef ekkert er að gert.

Slíkt forrit eitt og sér nægir til að valda einstaklingi kvíða en yfirleitt kemur meira til, þ.e. kvíðatengdar tilfinningar eða orka. Þegar við lendum í aðstæðum sem vekja hjá okkur ótta myndast orka innra með okkur sem er tilfinning. Sú orka starfar á mismunandi tíðni, eftir því hvers konar tilfinningu er um að ræða. Tilfinningin getur líka verið misstór, allt frá því að vera eins og mandarína og upp í stóra melónu. Ef einhverra hluta vegna, við náum ekki að vinna úr tilfinningunni á eðlilegan og heilbrigðan máta, t.d. bælum hana niður, getur hún eða orkan sem býr hana til, fests innra með okkur, t.d. í maganum eða bringunni, og valdið þar usla og einkennum. Neikvæðu tilfinningarnar hafa þau áhrif að hluti okkar er alltaf að finna fyrir þeim, og þegar við finnum fyrir kvíða hugsum við kvíðatendar hugsanir. Og þegar við hugsum kvíðatengdar hugsanir, finnum við fyrir kvíða. Þannig getur myndast vítahringur krónísks kvíða sem erfitt getur verið að losna úr.

Slíkt kvíðaástand skapar svo streituástand og þetta tvennt saman er eitruð blanda. Einkennin sem skapast geta vegna slíks langvarandi ástands eru af öllum toga. Algengustu einkennin eru síþreyta, neikvæðar hugsanir, lágt sjálfmat, athafnaleysi, þrekleysi, verkir, vöðvaspenna, svefnvandamál, höfuðverkir, útbrot o.fl. o.fl.

Með dáleiðlsu og orkuheilun er hægt að finna rót vandans og uppræta hana. Þá eru neikvæðu tilfinningarnar hreinsaðar út úr líkamanum og neikvæðum forritum breytt eða þeim hreinlega eytt, allt eftir því hvað undirmeðvitund hvers og eins leggur til.

Undirmeðvitund okkar er undursamleg, ótrúlega kröftug og vitur. Hún getur losað okkur undan þeim kvillum sem við glímum við, það eina sem þarf er smá tenging, leiðsögn og tækifæri! Þeir sem hafa áhuga á að lesa meira um hvernig undirmeðvitundin virkar geta gert það hér.